藥房離街坊愈來愈遠

西環尾是生活社區，藥房自然少不了，許多更是幾十年老字號，叫得出名字的大家都好熟悉。

之但係，不知道是因為舖租壓力、人工漲幅太大，帶來經營問題；還是不可避免接觸外地客多咗，做起生意來，唔食街坊細米？橫掂就係，愈來愈不見以前那種良心街坊店味。

以前啲藥房，不會為了多賺你幾個錢，介紹你買唔等使或者不必要的東西，反而會推介最適合你的貨物，很多時候他們提出的建議，結帳時比我們自己的要求便宜。

但係似乎依家無咗依隻歌仔唱啦。譬如，有間自稱有信譽的藥房，你去買藥膏，佢肯定拿出大份量的一隻，但係明顯你用十分一已經夠，剩下的量等過期！又或者你去買某種藥，佢就拿出最豪華陣容，實際上簡陋包裝但藥效相同的，價錢差一半以上。

離譜的是，藥房已經視不打價錢標籤為正常，每次都係佢隨口視人開價，變成師奶和男人買嘢兩種價。