山竹襲擊：8號風球下的堅尼地城夜晚

颱風山竹來勢洶洶，體積龐大而風力驚人，本來在家看窗外風平浪靜，但在剛剛凌晨一點十分天文台改掛八號風球時特地落樓感受，就真係即刻感受到。

在堅尼地城海旁，持續風力驚人，陣風更站不穩，相機也無法穩陣拿好。

海水已經漲到接近海堤，估計清晨山竹最接近本港時，風暴潮將令海水大量漫淹海旁，同時因為香港可能在12級暴風圈內，到時無論幾肥幾大隻都唔好到海邊了，肯定企唔穩。

雖然颱風在香港南面掠過，香港將吹東北風，繼而變成西南風，西環食風不算好應，但因為在維港口，也不可小覷，估計區內好多樹木會受損，樹幹樹枝斷折數量應該相當高，街坊們打風日就唔好出街啦，除了防樹木擊傷，還要防招牌、玻璃窗、雜物等等橫飛。

剛剛親身感受，風力真係不可輕視。

堅尼地城海面開始升高。（hello KTown）

堅尼地城在8號風球下的夜晚。（hello KTown）

堅尼地城2018年9月17日凌晨1時過後的海旁。（hello KTown）